ಸುದ್ದಿ ವಿಜಯ, ಜಗಳೂರು: ತಾಲೂಕಿನ ಸಿದ್ದಮ್ಮನಹಳ್ಳಿ ಗ್ರಾಮದ ಬಯಲಾಟ ಯಕ್ಷಗಾನ ಕಲಾವಿದ ಆರ್. ಭೀಮಪ್ಪ ಇವರಿಗೆ ಜಿಲ್ಲಾಮಟ್ಟದ ಗ್ರಾಮೀಣ ಕಲಾ ಚೇತನ ಪ್ರಶಸ್ತಿ ದೊರಕಿದೆ.
ದಾವಣಗೆರೆಯ ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್ತು ಭವನದಲ್ಲಿ ಜು.7ರಂದು ಸ್ಪೂರ್ತಿ ಸಾಂಸ್ಕøತಿಕ ಸೇವಾ ಸಂಘದ ವತಿಯಿಂದ ನಡೆದ ಕಾರ್ಯಕ್ರಮದಲ್ಲಿ ಕಲಾ ಚೇತನ ಪ್ರಶಸ್ತಿ ನೀಡಿ ಗೌರವಿಸಿದೆ.
ಕಲಾವಿದ ಆರ್. ಭೀಮಪ್ಪ ಹುಟ್ಟು ಕಲಾವಿದರಾಗಿದ್ದು, ಬಯಲಾಟ ಯಕ್ಷಗಾನದ ದೊಡ್ಡಾಟದಲ್ಲಿ ನೈಪುಣ್ಯತೆ ಹೊಂದಿದ್ದರು.
ಸಿದ್ದಮ್ಮನಹಳ್ಳಿ ಗ್ರಾಮವಲ್ಲದೇ ಸುತ್ತಮುತ್ತಲಿನ ಹಳ್ಳಿಗಳು, ಜಿಲ್ಲಾ, ರಾಜ್ಯ ಮಟ್ಟದಲ್ಲಿ ತಮ್ಮ ಪ್ರತಿಭೆಯನ್ನು ಪ್ರದರ್ಶನ ಮಾಡಿ ಜನ ಮನ್ನಣೆ ಪಡೆದಿದ್ದಾರೆ. ಇವರ ಜಾನಪದ ಕಲೆ, ಸೋಬಾನೆ ಹಾಡುಗಳನ್ನು ಹಾಡಿ ಜನರ ಗಮನ ಸೆಳೆದಿದ್ದಾರೆ. ಇಂತಹ ಕಲಾವಿದನನ್ನು ಗುರುತಿಸಿ ಪ್ರಶಸ್ತಿ ನೀಡಿರುವುದು ತಾಲೂಕು ಹೆಮ್ಮೆಯಾಗಿದೆ ಎನ್ನುತಾರೆ ಹಿತೈಷಿಗಳು.
