ಸುದ್ದಿವಿಜಯ,ಜಗಳೂರು: ಮಾಜಿ ಸಚಿವ ಎಸ್.ಎಸ್.ಮಲ್ಲಿಕಾರ್ಜುನ ಜನ್ಮದಿನೋತ್ಸವ ಹಿನ್ನೆಲೆ ಜಗಳೂರು ಕಾಂಗ್ರೆಸ್ ಮುಖಂಡ ಹಾಗೂ ವಿಧಾನಸಭಾ ಕ್ಷೇತ್ರದ ಟಿಕೆಟ್ ಆಕಾಂಕ್ಷಿ ಚಿಕ್ಕಮ್ಮನಹಟ್ಟಿ ದೇವೇಂದ್ರಪ್ಪ ಅವರು 55 ಸಾವಿರ ಲಾಡು ಉಂಡೆಗಳನ್ನು ಮಲ್ಲಿಕಾರ್ಜುನ ಅವರ ಪತ್ನಿ ಪ್ರಭಾ ಮಲ್ಲಿಜಾರ್ಜುನ ಅವರಿಗೆ ಸಮರ್ಪಿಸಲು ವಾಹನದ ಮೂಲಕ ಬುಧವಾರ ಕಳುಹಿಸಿಕೊಟ್ಟರು.
ಚಿಕ್ಕಮ್ಮನಹಟ್ಟಿ ದೇವೇಂದ್ರಪ್ಪ ಅಭಿಮಾನಿಗಳು ಲಾಡು ಉಂಡೆಗಳನ್ನು ಸುಮಾರು 150 ಕ್ಕೂ ಹೆಚ್ಚು ಬಾಕ್ಸ್‍ಗಳಲ್ಲಿ ಲಾಡು ಉಂಡೆಗಳನ್ನು ಪ್ಯಾಕ್ ಮಾಡಿ ದಾವಣಗೆರೆಗೆ ರವಾನಿಸಿದರು.
ದಾವಣಗೆರೆಯ ಎಂಬಿಎ ಕಾಲೇಜು ಮೈದಾನದಲ್ಲಿ ನಡೆಯಲಿರುವ ಬೃಹತ್ ಕಾರ್ಯಕ್ರಮದಲ್ಲಿ ಕಾರ್ಯಕರ್ತರಿಗೆ, ಎಸ್‍ಎಸ್‍ಎಂ ಅಭಿಮಾನಿಗಳಿಗೆ ಮಧ್ಯಾಹ್ನದ ಊಟದ ಜೊತೆಗೆ ಲಾಡು ಉಂಡೆಗಳ ವಿತರಣೆ ನಡೆಯಲಿದೆ.
ಈ ವೇಳೆ ಕಾಂಗ್ರೆಸ್ ಮುಖಂಡರಾದ ಮಾಜಿ ಶಾಸಕ ಎಚ್.ಪಿ.ರಾಜೇಶ್, ಕೆ.ಪಿ.ಪಾಲಯ್ಯ, ಸುರೇಶ್‍ಗೌಡ, ಶಿವನಗೌಡ, ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷೆ ಷಂಷೀರ್, ಬಸಪ್ಪನಹಟ್ಟಿ ಸೂರಪ್ಪ, ತಮಲೇಹಳ್ಳಿ ಗುರುಮೂರ್ತಿ, ಕೊರಟಕೆರೆ ಗುರುಸಿದ್ದನಗೌಡ, ಎಂ.ಎಸ್.ನಷೀರ್ ಅಹ್ಮದ್, ತಿಪ್ಪೇಸ್ವಾಮಿಗೌಡ್ರು, ಕೀರ್ತಿದೇವೇಂದ್ರಪ್ಪ, ಬಿಳಿಚೋಡು ವಾಮದೇವಪ್ಪ, ದೇವಿಕೆರೆ ಗುರುಸಿದ್ದಿನಗೌಡ ಸೇರಿದಂತೆ ಅನೇಕರು ಮುಖಂಡರು ಉಪಸ್ಥಿತರಿದ್ದರು.
ಜಗಳೂರು ಪಟ್ಟಣದ ಕಾಂಗ್ರೆಸ್ ಮುಖಂಡ ಚಿಕ್ಕಮ್ಮನಹಟ್ಟಿ ದೇವೇಂದ್ರಪ್ಪ ಅವರಿಂದ 55 ಸಾವಿರ ಲಾಡು ಉಂಡೆಗಳನ್ನು ದಾವಣಗೆರೆಗೆ ರವಾನಿಸಲಾಯಿತು.
